आचारसंहित विपरीतका प्रचार सामग्री छापिएको छापाखाना प्रहरीको नियन्त्रणमा

  ०७४ भदौ २७ गते

जनकपुरको मिथिला अफसेट प्रेसमा प्रहरीले भदौ २६ गते छापा मारेर निर्वाचन आचारसंहिता विपरीत विभिन्न किसिमका प्रचारप्रसार सामग्री छाप्दै गरेको अवस्थामा नियन्त्रणमा लिएको जनाएको छ ।

टिसर्ट र टोपीमा पार्टीको नारा लेखिरहेको बेला जनकपुर कलवार कुट्टीस्थित रहेको उक्त प्रेसमा प्रहरीले छापा मारेर हजारौँ रुपियाँ बरावरको समान बरामद गरेको हो ।

आचारसंहिता विपरीतका पाँच पोका प्रचारप्रसार सामग्री छाप्दै गरेको अवस्थामा नियन्त्रणमा लिएको जिल्ला प्रहरी कार्यालय धनुषाले जनाएको छ ।

त्यस्तै ३ सय टिसर्ट, टोपी र केही प्रेसका सामानहरू प्रहरीले नियन्त्रणमा लिएको जनाइएको छ । टिसर्ट र टोपी नेकपा एमाले, नेपाली काङ्ग्रेस, नेकपा माओवादी केन्द्र र राजपा नेपालको रहेको बताइएको छ ।


विनोदकुमार रविदास