समाचारहरू

कल्याणपुर नपा–८ की २२ वर्षीया कञ्चनदेवी मण्डललाई आगो लगाई हत्या गरेको आरोपमा उनकी नन्द धनुषा जिल्ला सबैला नपा–१३ की २४ वर्षीया सुनिता मण्डललाई इलाका प्रहरी कार्यालय मिर्चैयाले वैशाख २३ गते गिरफ्तार गरेको छ ।

घरायसी विवादमा आरोपितहरू २४ वर्षीय पति बेचन मण्डल, ४० वर्षीया सासू सुरजी मण्डलले वैशाख १२ गते आगो लगाई हत्या प्रयास गरेकोमा प्रहरीले उद्दार गररेको थियो ।

उद्दारलगत्तै कञ्चनको प्राथमिक उपचार मिर्चैयास्थित मङ्गलम् अस्पतालमा गराइएको थियो भने थप उपचारको लागि धरान स्थित विपि प्रतिष्ठान लगिएको र त्याँहा पनि उपचार समभव नभएपछि थप उपचारकाको लागि काठमाडौँ लगिएको थियो ।

काठमाडौँस्थित सुष्मा मेमोरियल अस्पतालमा उपचारका क्रममा वैशाख १३ गते उनको मृत्यु भएको थियो ।

इलाका प्रहरी कार्यालय मिर्चैयाका इन्स्पेक्टर दिनेश गौतमका अनुसार घटनाको अनुसन्धानको लागि मृतककी सासूलाई वैशाख १२ गते नै गिरफ्तार गरेको र थप अनुसन्धानको लागि नन्दलाई पनि गिरफ्तार गरिएको छ । शवको पोष्टमार्टम वैशाख १४ गते काठमाडौँको शिक्षण अस्पतालमा गरिएको प्रहरीले जनाएको छ ।

दुर्गा परियार