विपन्न वर्गलाई उपचारमा सहुलियत दिने मन्त्रिपरिषद्को निर्णय

  ०७५ चैत २० गते

गण्डकी प्रदेश सरकारले अपाङ्गता भएका व्यक्ति, अशक्त, गरिव तथा गर्भवतीलाई उपचारमा सहुलियत दिने निर्णय गरेको छ ।

चैत १९ गते बसेको मन्त्रिपरिषदको बैठकले उनीहरूको उपचारमा जनही सहुलियत प्रदान गर्ने कार्यविधि पारित गरेको हो ।

अपाङ्गता भएका व्यक्ति, अशक्त, गरिव, गर्भवतीलाई उपचारमा बढीमा १५ हजार रुपियाँ र आते–जातेमा बढीमा ५ हजार रुपियाँसम्म सहुलियत दिने गरी कार्यविधि तयार गरेको प्रदेश सरकारका प्रवक्ता तथा भौतिक पुर्वाधार मन्त्री रामशरण बस्नेतले जानकारी दिए ।

सिफारिस समिति बनाएर त्यसका आधारमा निश्चित उपचार तथा यातायातमा सहुलियत दिने गरी कार्यविधि तयार गरिएको मन्त्री बस्नेतले जानकारी दिए ।


सुशन घिमिरे