अपहरण घटनाका आरोपित गिरफ्तार

  ०७७ भदौ १२ गते

पोखरा मनपा–२३ बस्ने २९ वर्षीय महादेब सापकोटालाई भदौ ८ गते अपहरण गरेको आरोपमा सोही जिल्लाका वडा सदस्य ४५ वर्षीय भरतराज भण्डारीलाई प्रहरीले भदौ ११ गते गिरफ्तार गरेको छ ।

पीडितलाई आरोपितले सोही वडाको खहरेखोलाको निर्माणाधिन पुलमा कुटपिट गरेर अपहरण गरी बन्धक बनाएको आरोपमा आरोपितलाई घरबाटै गिरफ्तार गरिएको जिल्ला प्रहरी कार्यालय कास्कीका प्रवक्ता डिएसपी सुवास मल्लले इन्सेक प्रतिनिधिलाई बताउनुभयो ।

पीडितलाई कुटपिटपछि सोही वडामा रहेको एउटा घरको फल्याटमा अपहरण गरी बन्धक बनाइ राखिको थियो ।

घटनामा संलग्न रहेको आरोपमा काठमाडौं जिल्ला घर भइ पोखरा मनपा–२३ बस्ने ४२ वर्षीय बसन्त लामा र कास्की जिल्ला पोखरा मनपा–२३ घर भएका ४५ वर्षीय टिकाराम भण्डारीलाई पीडितलाई बन्धक राखिएको फल्याटबाट भदौ ११ प्रहरीले गिरफ्तार गरेको छ ।

आरोपितहरुविरुद्ध अपहरण तथा शरीर बन्धक सम्बन्धी कसूर र संगठित अपराध मुद्दामा भदौ ११ गते जिल्ला अदालतमा मुद्दा दर्ता गरी अनुसन्धान अगाडी बढाइएको डिएसपी हमालले बताउनुभयो ।


सुशन घिमिरे