अपरिचित व्यक्तिबाट बालकमाथि एसिड प्रहार, घाइते बालकको उपचार हुँदै

  ०७६ जेठ २५ गते

बर्दिवास नपा–२ का १५ वर्षीय सुरज मुखियाको अनुहारमा जेठ २४ गते राति अपरिचित व्यक्तिले एसिड प्रहार गरेका छन् । एसिड प्रहारबाट मुखिया घाइते भएका छन् ।

जेठ २४ गते शुक्रबार राति बर्दिवास चोकबाट घर फर्कने क्रममा बालकमाथि एसिड प्रहार भएको प्रहरीले जनाएको छ ।

मुखियाको अहिले बर्दिवास नपा–१४ स्थित शुभस्वस्तिक अस्पतालमा उपचार भइरहेको इलाका प्रहरी कार्यालय बर्दिवासका इन्स्पेक्टर अशोक साहले बताए ।

मुखियाको स्वास्थ्य अवस्था सुधारोन्मुख रहेको उपचारमा संलग्न चिकित्सक डा. सीताराम पराजुलीले जानकारी दिए ।

एसिड कसले र के कारण प्रहार गरेको थाहा नभएको बताउँदै प्रहरीmले घटनाबारे अनुसन्धान थालेको जनाएको छ ।


अजयकुमार साह