अपरिचित व्यक्तिको गोली प्रहारबाट एक जना घाइते

  ०७६ भदौ २९ गते

इश्वरपुर नपा–११ करमुहान बस्ने ३६ वर्षीय राजेश साहलाई सोही नपा–१० खैरा बजार नजिकै अपरिचत व्यक्तिको गोली प्रहारबाट घाइते भएका छन् ।

 

भदौ २७ गते राति घरतर्फ आउँदै गर्दा अपरिचित व्यक्तिले गोली प्रहार गर्दा छोरा घाइते भएको पीडितको बुबा दर्शन साहले बताए ।

 

साहको नाइटोको छेउमा गोली लागेर घाइते भएको इलाका प्रहरी कार्यालय केशरगञ्जले जनाएको छ । घाइते साहलाई तत्काल उपचारका लागि अमृत हेल्थ केयर इश्वरपुर (बयलवास) मा लगेकोमा सामान्य उपचार पश्चात थप उपचारका लागि नेशनल मेडिकल कलेज वीरगञ्ज रेफर गरिएको इलाका प्रहरी कार्यालय केशरगञ्जले जनाएको छ । गोली प्रहार कसले र किन गरेको हो भनी नखुलेको प्रहरीले जनाएको छ ।

 

अपरिचत व्यक्तिले गोली हानी भागेकाले घटनामा संलग्न दोषीको खोजी कार्य तीव्र पारिएको जिल्ला प्रहरी कार्यालय सर्लाहीका एसपी गोपालचन्द्र भट्टराईले जानकारी दिएका छन् ।


बुधन साह