अज्ञात समूहद्वारा गोली प्रहार गरी काङ्ग्रेस कार्यकर्ताको हत्या

  ०७४ असोज ९ गते

परोहा नपा-२ जिङ्गडवा टोलका २५ वर्षीय अकवर भनिने महमद अबु सैयदलाई असोज ९ गते बिहान अज्ञात समूहले गोली प्रहार गरी हत्या गरेको प्रहरीले जनाएको छ ।

 

नेपाली काङ्गे्रसको तर्फाबाट स्थानीय निर्वाचनमा वडा अध्यक्षका उम्मेदवार रही पराजित बनेका महमद सेराजुद्धिनका छोरा सैयद आफ्ना साथीहरूसँगै घरको बरण्डामा सुतिरहेको अवस्थामा बिहान ३ बजेको समयमा अज्ञात समूहले गोली प्रहार गरेको जनाइएको छ ।

 

छातिमा दुई गोली लागेका सैयदलाई तत्कालै उपचारको लागि गौर अस्पताल लैजाँदै गर्दा बाटोमा नै उनको मृत्यू भएको जिल्ला प्रहरी कार्यालय रौतहटले जनाएको छ ।

 

घटनास्थलमा प्रहरी पुगिसकेको र घटनाको अनुसन्धान भइरहेको जिल्ला प्रहरी कार्यालय रौतहटका इन्स्पेक्टर अशोक झाले बताए ।


विपिन गौतम