समाचारहरू

म्याग्दे गाउँपालिका-१ को कार्यालयमा अज्ञात पक्षबाट मङ्सिर ३ गते राति तोडफोड भएको छ । गुणादीस्थित बाराही महिला बहुउद्धेश्यीय सहकारी संस्थाको भवन भाडामा लिई वडा कार्यालय सञ्चालन गर्दै आएकोमा अज्ञात पक्षबाट उक्त कार्यालयमा तोडफोड भएको वडा अध्यक्ष शिवशरण वाग्लेले बताए ।

तोडफोडबाट वडा कार्यालयको झ्यालका सिसाहरूमा क्षति पुगेको कार्यालयले जनाएको छ । तोडफोडमा संलग्नको खोजीको लागि मङ्सिर ३ गते प्रहरीमा उजुरी दिइएको वडा अध्यक्ष वाग्लेले बताए ।

जिल्ला प्रहरी कार्यालयका एसपी सिद्धिविक्रम शाहले घटनामा संलग्नका बारेमा खोजी कार्य जारी रहेको बताए ।

प्रकाशचन्द्र भट्टराई