समाचारहरू

शुक्लाफाँटा नगरपालिका वडा नम्बर ७ को वडा कार्यालयमा साउन ७ गते राति अज्ञात पक्षद्वारा आगजनी गरिएको छ ।

अज्ञात पक्षद्वारा गरिएको आगजनीबाट कार्यालयको कम्प्युटर, सोफा, कार्पेट, कुर्सी, टेबुल र कागज–पत्रहरु जलेर नष्ट भएका छन् ।

कार्यालयको झ्यालको सिसा फुटाएर कार्यालय भित्र प्रवेश गरी अज्ञात पक्षद्वारा कार्यालयमा आगजनी गरिएको वडा सचिव महेश भट्टले इन्सेक प्रतिनिधिसँग बताउनु भयो ।

ईलाका प्रहरी कार्यालय, झलारीका इन्स्पेक्टर धर्मेन्द्र रावलले आगजनीबाट भएको क्षतिको विवरण सङ्कलन गर्ने कार्य र घटनामा संलग्न पक्षको खोजी भइरहेको इन्सेक प्रतिनिधिलाई फोनबाट बताउनु भयो ।

कोमल निरन्जन भाट