अज्ञात पक्षद्वारा एम्बुलेन्समा तोडफोड

  ०७७ मङ्सिर ३ गते

वाना प्राथमिक स्वास्थ्य चौकीको एम्बुलेन्समा अज्ञात पक्षले तोडफोड गरेको प्रहरीले जनाएको छ ।

मङ्सिर २ गते राति साढे ९ बजे को १ झ ६४३ नम्बरको एम्बुलेन्स अज्ञात पक्षले तोडफोड गरेको जिल्ला प्रहरी कार्यालयका डिएसपी नवराज मल्लले इन्सेक प्रतिनिधिसँगको फोन सम्पर्कमा बताउनु भयो ।

वाना प्राथमिक स्वास्थ्य केन्द्र पाँचखपन नगरपालिका– ५ मा राखिएको एम्बुलेन्समा अज्ञात पक्षले तोडफोड गरेको स्वास्थ्य केन्द्रका निमित्त प्रमुख सुन्दर श्रेष्ठले बताउनु भयो । तोडफोडबाट एम्बुलेन्सको अगाडीको भागमा क्षति पुगेको श्रेष्ठले बताउनु भयो ।

घटनामा संलग्नहरूको खोजी थालिएको प्रहरीले जनाएको छ ।


भविन कार्की