इन्सेकअनलाइन डट् ओआरजी नेपालको पहिलो मानवअधिकार समाचार वेबसाइट हो । यसको प्रारम्भ वि.सं. ०६१ साउन १६ गते भएको हो । इन्सेकअनलाइनको सञ्चालन नेपालको मानवअधिकार सम्बन्धी सूचनाको भरपर्दो श्रोतको रूपमा राष्ट्रिय-अन्तर्राट्रिय ख्याति कमाइसकेको संस्था अनौपचारिक क्षेत्र सेवा केन्द्र -इन्सेक) ले गर्दछ । अथक मानवअधिकार रक्षक प्रकाश काफ्लेको १२ औं स्मृति दिवसको अवसरमा इन्सेकअनलाइन सुरु गरिएको थियो ।
नेपालका सबै ७५ ओटै जिल्लामा इन्सेकअनलाइनका प्रतिनिधिहरू छन् । प्रतिनिधिहरूले सम्बन्धित जिल्लाका मानवअधिकार उल्लंघनका घटना तथा घटनाक्रमलगायतका सूचनाहरू यथाशीघ्र सम्प्रेषण गर्दछन् । आफ्ना प्रतिनिधिहरूका साथै देशभरि छरिएर रहेका इन्सेकका सहकर्मी संस्थाहरूमार्फ् पनि इन्सेकअनलाइनले सूचना प्राप्त गर्दछ । पूर्वाञ्चलदेखि सुदूरपश्चिमाञ्चलसम्म पाँचै विकास क्षेत्रमा स्थित इन्सेक क्षेत्रीय कार्यालयहरू पनि यसका प्रमुख आधारस्तम्भ हुन् । विभिन्न समयमा इन्सेकद्वारा गरिने स्थलगत अध्ययनबाट प्राप्त सामग्रीहरू पनि यसले समेट्छ । नेपालको मानवअधिकार स्थितिको समग्र अध्ययनको श्रोतको रूपमा शीघ्रातिशीघ्र सूचना प्रवाह गरी मानवअधिकारको संरक्षण एवं संबर्द्धनमा योगदान दिन इन्सेकअनलाइन प्रयत्नशील छ ।
